(مجلة كل الخواطر) ابنى الشهيد -----------بقلم الشاعر\عبد الله السايح

..........(ابني الشهيد).........

ابني وكان طالب شهادة
طلبها من دور العبادة
قال يارب وبإرادة
تكون شهادة في الرياده
كل يوم كان بيصلي 
يقول يارب قبل خلي
اكون شهيد
شايل سلاحي وبالبيادة
إبني اللي عايش للوطن
ربيته ديما ع المحن
ولاجل أرضه 
الروح تمن
شال سلاحة 
وقال يابلدي
بإبتسامه عمره يعطي
عارف إنه بيمتحن
ساب رساله
جنب قلبه
بعد حمد وكان لربه
وقال يابويه
مفيش فتن
جنب منها كان فيه رمل
قال ترابك عندي حلم
جوه مني يؤتمن
وإسألوا حتى الرصاصه
لما جابت الخلاصة
وخلصتني من الزمن
إزاي كانت فرحتي
على العدو بدخلتي
وإزاي كانت جنتي
لمابان فيها الامل
عمري ماكنت
جبان وخاين
خطوتي كانت لهايم
أرضنا كانت نسايم
كنت مخلص للوطن
و الشهادة أغلا تمن
،،،........(شعر)..........
عبد الله السايح