صباح الخير
p q
صباح الخير..."صباح النور".
شو بحبّ صبِّح عليكي يا Sola.
و عيوني تسبَح ببحرِك الهادي.
إنسى الوقت وتحرق جلدي الشمس.
و الشطّ يصرخلي حاجِة بقى تبعد.
خلّيك عندي ما بيسحبك تيّار.
أوعى بقى وارجاع...يقلّي و ما إسمع...
...
مثل كأنّي رجِعت طفل صغير
بصفّ المدرسِه سارِح بشعراتِك
لا سامِع الإستاذ و لا شايف حدا غيرِك
دقّات قلبي بسّ سامِعها 
وخرطِش على الكتاب...
إرسُم خيالاتِك صوَر 
وإكتُب ل إسمِك أجمل الأشعار
...
ويضيع منّي الوَقت 
و يدقّ جرس المدرسِة فجاة 
راح الوقت كلُّه 
ناطر المح عا وجهك شي بسمِه غرام
وعالبيت مش راجع إلّا وأنا سكران 
من نظرِة عيونِك إلي و فرحان
...
يا ليت بتعيشي بعمر الكون 
ونبقى سوى عاطول
قلِّك صباح الخَير 
و تردّي بخَجَل "صباح النور"
انتي وأنا والوقت ياليت نبقى ندوب متل المِلح
و ما يعود يفرّقنا حدا 
و ما نعود نسأل عن حدا
و مش همّ لو غاب القمر والليل
و مش هم حتى ايمتى الشمس ح تغيب
ومش هم حتى ايمتى بتطلع.
2014