دبِّس معدتك
دبِّس معدتك العيش بالكوبون
بيع عربيتك البنزين بالكوبون
اسطوانة الغاز بالكوبون
الدواء هيبقى بالكوبون
اهرب من البلد 
و لا اصبح مسجون
ازاى اهرب من البلد 
و جدى فيها مدفون
اهرب م البلد 
و اللى عاش فيها م الفايزين
بلد اتردد اسمها فى القران
بلد شعبها عاش فى امان
و اللى يدخلها يبقى فى امان
ده اللى عرفته من القران
قرارات حكومتنا 
بقت ما يطلبه المستمعون
بلد حاميه الاديان
بلد عاش فيها ابراهيم ابو المسلمين
بلد عاش فيها يوسف ويا اخناتون
بلد عاش فيها موسى و هارون
و البحر شاهد على فرعون
بلد هزمت جيش نابليون
بلد توت عنخ امون
بلد الاخشيد و ابن طولون
بلد اهلها بالله موحدون
بلد عاش فيها 
المسلم و المسيحى اخوان
ما عرفوش الفتن ولا العدوان
غرقوها الظالمين و الحاقدين
بلد حاربت الضلال و المضللين
بلد كانت السبب فى كسر الصليبين
بعد ما هزمت الهكسوس
و المغول و كل الطامعين
بلد اهلها طيبين
هو العيب ف البلد 
و لا ف المخربين
عايزين يقضوا ع 
البلد فشوهوا الدين
انتشر فى العالم الارهابين
اللى انتحلوا صورة المسلمين
الاسلام سلام و امان
مش ارهاب 
و ضرب و نصب كمان
بلد فى ارضها اتزرع التين
و شعار السلام اتاخد من الزيتون
شاهده علينا حرب اليمن 
اننا ساعدنا المناضلين
هحميكى يا بلد 
بالدم مش باللسان
و هقف قدام كل ظالم جبان
و هيرجع فيكى الامن و الامان
باذن الواحد الديَّان
بقلم :محمد\ حجاج