(مجلة كل الخواطر) يا ام الحنان ---------------بقلم الشاعر \عبد الله السايح

.(ياام الحنان)……… 
ياام الحنان شطين
والشوق يطيربينهم
مش كنت أنا الجناحين
ودفه بتزينهم
وزرعت فيك حنين
على شطوط نيلهم
أنا البنا أنا السكين
أنا السهران على شانهم
وصنعت من دمي سنين
ناس عرقانين شقيانين
صنعت بالشوق زمانهم
من يوم ولادتي وانا
فيك ومنك طين
أنا أرضك أناعرضك
أنا الغني أنا المسكين
أنامصري يناديك
مش انت أمي!
طيب حنانك فين
فين العداله
فين القانون والدين
ولو انت غايبه
مين يعدل لنا الموازين
مين يعدل المايل
ومين يسد الدين
يعني ابقى نايم على سريري
مع الحالمين
ومباحث الثوره على دماغي
بتسأل فين
ورشاش على دماغ إبني
إبن ست سنين
وإن كان عاجبني بقى
أتهان وقول له آمين
ياأم الغلابه ياأم الرجال والدين
ليه للقانون آسيين
ولا أمن للأمينين
وبابي ليه اتخلع
ياثوره بالرجلين
علشات بشكل الغلط
بقانون وكله عبط
أﻻقي إبني سجين
محكوم عليه فى الدرى
فى السجن يبقى سنين
يعني بسيطه قوي
على أي حد إنضرب
برصاصه أو سكين
يختار له إسم إتظبط
على لوحه فى البتارين
فى السر يبقى كمين
واتنين شهود ملاعين
نلاقيه وفجأه سجين
ياام الحنان شطين
مين صنع القوانين
ومين يقول الحر
فى لحظه يبقى سجين
واثبت براءتك بقى
بفلوس ومحاميين
وماهمهومش الناس
وﻻإيه يقولوا خلاص
وﻻحتى الكرامه فين
أنا شاعر وعشقك زين
أنا شمسك
وانت حبيبه جوه العين
حلمت كتير بحريه
وياما هتفت بالشفتين
وطلبي بسيط ياغاليه
تبصي لي ولو بالعين
وقلنا الماضي ننساه
ونبدأ تاني انا وانت
أنا روحك
وانت القلب والشرايين
…… ..(شعر)………
عبد الله السايح