زعلان كدة ليه
محمد ضباشه
زعلان كدة ليه يا حبيبي
نفسي أعرف زعلان ليه
في عينيك بتخبي كلام 
نفسي أفهم تقصد أيه
زعلك دا كتير عليه
كفاية منك زعل
وبلاش عينيك تشوفني
تداري بالعجل
تزعل ويبان عليك
تتغير لون عينيك
ودموع علي الخد تجري
بخاف منها عليك
لو ناوي عتاب عاتبني
وأنا روحي هتسمعك
وأن ما قدرت أصالحك
أو قلبك يمنعك
معقول تنسي اللي بينا
وزعلك ياخدك بعيد
وتهرب من حياتي
وألقاك قاسي وعنيد
يا ريت تنسي الآسية
أنا ليك وأنت ليه
خليها تروق وتحلي
ونعدي السكة ديا
يا حبيبي حقك عليه
يا أغلي من عينيه
مين في الدنيا غيرك
حرك قلبي فيا
وحياة حبك ياروحي
مش ممكن راح تهون
وأنت كحل لعيوني
وساكن بين الجفون
فكر وأرجعلي تاني
دا العمر يا دوب ثواني
والدنيا ما ثبفي دنيا
لو عدي يوم ما جاني