(مجلة كل الخواطر) حدش شاف -------------بقلم الشاعر \عبد الله السايح

........(حدش شاف)............
حدش شاف الحب في شكله
جدد نفسه بعد.مشاكلة
بقى دي الوقتي تقابل واحدة
تعرف منها طريقته وآخرة
تشتكي ليها قهر الوحدة
وهيه تقول لك انت لي فخره
تعملوا تيم وبينكم وحدة
تزرعوا حب في يومه وشهره
تاخد حبك منها وتاخده
طول اليوم يخلص مع سهره
حب وتشرب ناره وشهده
مركب حبك تجري في بحره
مجداف قلبك ديما شده
فرحان قلبك يعطي في مهره
فرحان دمك يغلي في صهده
حاسس إن حبيبك سحره
واخد قلبك لحظة مهده
شهر إتنين والتالت بعده
إنت وقلبك حبك صهروا
عايش عمر تعد في سعده
تحلم بكره يجيلك وعده
تلقى حبيبك عندك نحروا
وانت في عز الحب ووده
سرحان ماشي وشايل ورده
تلقى البادئ به كان سحروا
اللي بلاك بالحب بحده
واللي بتطلب دبما وده
قال لك باي وتعالى نسدوا
إستمتعنا شهور ونهدوا
نبقى صحاب م اللحظه نعدوا
بعد ماكان هو اللي بيشدك
ترجع تاني إنت اللي تشدوا
بعد ماكان بيمجد جدك
يمسك قلبك إيده تمدوا
بعد حكايه عشانها يهدك
بعد ماكنت حبيبه وسيدوا
مليون قلم نزلين على خدك
بعد ماجدد تاني عبيدو
وإختار غيرك يمكن قدك
لاجل يعيش في شهور ويعيدوا
نفس القصة ورافض ردك
فرحك عدى تملي حدودو
حب جديد وزرعت له وردك
أصبح حلم العبد لسيدوا
..........(شعر)...........
عبد الله السايح