(مجلة كل الخواطر) سمارك يا سمرا جننى -------------بقلم الشاعر\رضا حسب النبىى

** سمارك ياسمرا جننى **
سمارك ياسمرا من لونى
وشايلك جوه فى عيونى
وأغطيكى كمان بجفونى
ولو جم عزالى ولامونى
أقول ليهم عنه ليه تبعدونى
سمارك ياسمرا لونه فى ترابى
وكمان سبب حيرتى وعذابى
ياكل ماليا فى الدنيا
بوجودك ببقى حاجة تانية
ياشمعة منوره دارى
ياشمس طالعه فى نهارى
يابير مليان باسرارى
ياوردة مفتحه فى بستانى
ومن نار حبك قولت آة يانى
ياست الكل فى بيتى
واحلا زرع فى غيطى
سمارك ياسمرا جننى
كان فاضل ربع فى عقلى
وآهو طار ياناس وراح منى
سمارك ياسمرا جننى
رضا حسب النبى
9/10/2016