بسم الله الرحمن الرحيم
لعيونِك ..... !!
إلي مجهولة الاسم والعنوان 
كلمات / أحمد عبد اللطيف النجار 
شاعر أم الدنيا الحزينة
حاولت أنظر ...
في عينيها ...
لقيتها نظرة ..
اعتذار ..
فيها الأسف 
فيها الندم 
والانكسار ...
سألت روحي ..
إيه جرى لها ؟!!
كنت ألمح ..
طيفها ..
علي كل جدار 
كنت أشوف ...
لون عينيها ..
زرع أخضر ...
واخضرار ..
كنت أتمنى ...
رضاها ...
وهيا ثابتة ..
في القرار 
اصبر يا قلبي..
ليه تحزن ..؟!
علي قلب حبك ..
يوم وجار 
طبع القلوب ...
تهوى هواها ..
وتذكر المحبوب ..
تملي في ....
صباحها ومساها 
وفجأة تغدر ...
بحبيبها ...
اللي رسم ...
قلبه بخطاها 
اللي كانت نظرة ...
منها هيا ...
غايته ومنتهاها 
اعترف قلبه بذُله
عاش في وهمّ ...
العمر كله ...
كانت حبيبته ..
هيا قمره ...
هيا شمسه ..
هيا ضِله 
بعد الفراق ..
والاشتياق ...
ها يبكي علي ...
إيه فاضِلّه ..؟! 
ضاع الغرام ...
ضاع الهيام ...
والانسجام ...
ورده قام ...
يشكي فُلّه !!
ليه حبيبي...
الفراق ..؟!
وليه عيونك ..
غدارين ..؟!
كنت أنتظر منك ..
تحية أو تواصل ..
أو حنين !!
قلبي زعل مني ..
خاصمني ...
ضغطه ارتفع..
من الأنين 
قال خسارة ..
ليك وليا ...
نكون يا روحي ..
مجروحين !
لو علي العيون ..
في عيون كتير
حواليك تتمني هواك
وأنت أدمنت العذاب 
مع قلب باعك...
وجفاك ..!
لعيون حبيبك ...
ألف عين ..
وأنت لعيونك ..
أساك ...!
لازم تنسى ...
عيون حبيبك ...
شكل حبيبك ...
طيف حبيبك ..
وحافظ علي ...
روحك معاك 
ولو قابلته مرة
صدفة ...
اجهله ...
لا تمهله ...
نظرته فيها الهلاك !
نظرته فيها الهلاك !
نظرته فيها الهلاك !!!
أحمد عبد اللطيف النجار 
شاعر أم الدنيا الحزينة