من بعدِك
من بعدِك ...من وَقت ما ضيّعني حُبِّك
أنا اللي هجَرت الدني تا إسكُن بقلبِك
ما لقيت بقلبِك إلي مطرَح
و بعيد عنِّك شو صعب عليّ إفرح
...
من وقتها ..نزلوا دموع الرجا واليأس
وياما جرّبت إنسى الخيبة والنَحس
من بعد ما بعدِت عنّك و رِحت
ياما حكيت مع حالي وياما سكَتِت
...
و صرت ضايع تعبان مهزوم و حزين
بإيدي القلم صاير مثل سكّين
يطعن اوراقي بكلام ينكأ جروح الندم
من بعد ما قلبك صار معذِّبني سنين
...
الحروف تخربطت و ضاع الحكي منّي
شو طلع هيِّن قدّام شعوري البكي
ياما ليالي راحت من عمري ضيعان
من بعد ما خسرتك و كنتي أجمل النسوان
...
هلّق لوحدي قاعد بعتم الليل
من بعد ما راهنت عا حبِّك أكبر رهان
لكن بعد شوي حا يطلّ النهار
و حا جرِّب انساكي وإنسى كلّ اللي صار
...
عدنان خليفة
2016