:::::{ يافرحة هلٍي}:::::::......بقلم .....د// سمير فوزي عمر
يافرحة هِلٍي....
وعليًا طُلٍي
تراب بلادي....
بإدين ولادي....
عاد الساعادي
وجاب لقلبي....
طرحة وتُلٍي
دا هو عمري
وغطايا كُلٍي
فرحي بقدري
وكل خِلٍي
لو يوم يطوف...
عليه كسوف....
أو دمعة مُرًة....
تجرح كلامه....
يحرقني جرحي...
وشوق غرامه
ولا يوم تشوف ...
عيني منام
ولكل بسمة....
أعلن خصام
لِحَد حضنه...
مايكون منامي
ونبض قلبي...
يحييه غرامي
وكل مابي...
ويًاه يغني
ونقول يافرحة....
علينا هِلٍي
عيشي معانا.....
فرحة هوانا...
واحكي لحفيدي...
عن اللي كان
يافرحة هِلٍي....
قادت شموعنا
علينا طُلٍي....
طابت جراحنا
وهلال بلادنا....
للفرح زان
طُلٍي وقولي....
يادُنيا جايًة....
رقصة خيولي...
جمالها بان
هِلٍي ونولي....
م السعد جانب
فَرْح الحبايب....
مالي المكان
ولا لينا تاني.....
يكون فراقنا
ولا نور ترابنا....
يطفيه جبان
الرب واحد...
والعمر واحد...
والعزة لينا....
لو مرًة ضاعت...
يكون فداها...
عمر الزمان
وتكون قبورنا
الأَوْلَى بينا
ودمعة تُرابنا
تكوي اللسان 
.............................."من ديواني ..........عامية سمير فوزي"