بسم الله الرحمن الرحيم
اتعلمت ......!!
(( إلي مجهولة الاسم والعنوان ))
كلمات / أحمد عبد اللطيف النجار 
شاعر أم الدنيا الحزين
اتعلمت ....
اتألمت....
برضو فهمت ...
إن القلب القاسي 
قساوته ...
مش حقيقية ..
جوا فؤاده
نقطة نور ..
محاها سواده
بان للناس ...
طباعه آسية 
ممكن بكلامك ..
تراضيه
ممكن بغرامك ...
تحييه
يبقى بياضه ...
أحسن ليك ..
وأحسن ليا 
حاول معاه ...
بكلامك 
خليه يشعر ..
بآلامك 
يمكن يعرف ..
يمكن يفهم
ويفسر حلمه ..
وأحلامك 
شوفت القسوة..
كتير في عينيك 
شربت المُر ..
كاسات بأيديك 
قلبي عاتبني ..
قال ليه صبرك ؟!
علي اللى باعوك 
ولا سموا عليك !
قلت يا قلبي ..
خلاص حرّمت 
يا ما في حقك
روحي أجرمت 
اتعودت ....
علي الصدمات 
في فؤادك ...
يا فؤادي صدمت 
اتعلمت خلاص ...
وندمت 
نمت كتير ...
شوفت منام ..
كانت ليلتي ...
كلها أحلام ..
شوفتك يا حبيبي
بتتألم...!
قرّبت منك ولقيت ...
نظرة شوق ...
في عينيك بتسلم 
وصحيت من نومي ..
هيمان 
قولت يا قلبي ...
لابد تسلّم ...
وتقول لحبيبك ...
سلامات ..
أنا شوقي ...
من غيرك مات !
أمانة عليك ..
بلاش تهجرني 
ونقضى عمرنا ...
ملامات 
ابقي عاتبني 
وابقي أعاتبك 
نتفاهم بس ...
بهمسات 
نتعلم من ...
بعض الحب 
وتعلمني أحلي 
لغات ..
علشان أقول ..
اتعلمت 
وعشقتك ..
لكن في سُكات !
عشقتك ...
لكن في سُكات !
عشقتك ...
لكن في سُكات !!
أحمد عبد اللطيف النجار
شاعر أم الدنيا الحزين