(مجلة كل الخواطر) مولود سعيد-------بقلم الشاعر \محمود فرج

((مولود سعيد))
مولود جديد وساعة الولادة
شوفت دنيا مره سادة
النفاق دا فيها عادة
والخيانة بطعم السعادة
كل شيءفيها زيادة
الا العبادة
(ينفع ارجع)
رجعوني قالوا لا ولبسوني
والدموع مليت عيوني
اصلها دنيا بتوجع
كل شيءفيها بيخدع
ببكي ليه لما جيت الدنيا ديا
يعني ايه هي عنوان الاسيا
رحت نايم في حضن امي
والحنان ضلل عليا
هي كانت الحضن ليا
اصل معرفش الا هيا
والشهور عددالسنان شقت اللثة
لسه ما شفت لاعذاب ولا اسي
الطفوله ايام جميلة ما بيتنسي
كل اللي يشوفني يقول مبروك
( (مولود سعيد))
لسه ماشاف اللي جايلي من بعيد
لسه بحبي لسه بمشي تاتا تاتا
لسة لما عيط بيراضوني بالشكولاتا
رغم ان الفقر جارنا
واحنا اصلا ع البلاطا
وخلصت إجازة الوضع ياما
انتي وابويا موظفين
في الحياة والدنيا ديا مطحونين
وهتسبيني طب لمين
يوم لخالتي ويوم لستي
يوم لعمي ويوم لجارتي
طب يا امي بتخلفني ليه يا ستي
لما انا كدا عليك ههون
كل اللي يخدني يوم
يرميني قدام التلفزيون
علموني منها حروف الكلام
باختصار هو دا اللي علمني الكدب والسلام
علموني ازاي اكون
اعرف اكدب في الحياه بكل الفنون
علموني ابيع صحابي علموني اني اخون
اعذريني يا امي مانتي سبتني في دمعي وهمي
كنت محتاج ضل قلبك
كنت محتاج ابقي جنبك
كنت عاوز اعيش في حضنك
((مولود سعيد))
لما رحت كيجي وان
والشقاوة والجنون
كل الناس مني بتتجن 
واد معفرط
بعرف اضرب ضرب جارح في العيون
حتي صحابي وبكل فن
سرقت منهم اكلهم
في اللعب حتي ضربتهم
عدد سنين ورحت مدرستي وسبتهم
فضلت ابكي طول سنيني
والدموع مافارقتش عيني
يبقي فين مولود سعيد
كل يوم موجوع جديد
نفسي انسي الكدب ياما
وارسم الايام دي عيد
اه سعتها هكون بجد
((مولود سعيد))
بقلم--محمود فرج