جارى التحميل
استخدم زر ESC أو رجوع للعودة
فاكرانى لسه بحبها
شعر غنائى
إسلام عامر
فاكرانى لسه بحبها
وبحن ليها ومشتاق لها
يامين يروح يقولها
انى خلاص ودعتها
ونسيت الماضى كلة
بوجعة وجرحة وذلة
كان مين يصدق كل ده يجرى ليا
اسلم قلبى ليها انا بإيدايا
وهيه كانت تخدع
وتمثل دور الحب عليا
فاكرانى ..... فاكرانى
فاكرانى لسه بحبها
صدقتها وعشقتها
وروحى كانت عندها
تتحكم فيا وتظلمنى
بكلامها الجارح تألمنى
ولما انكشفت حقيقتها
ندمت انى فى يوم حبيتها
وفوقت لنفسى ولحالى
وصرخت بأعلى صوت فيا
ايه ده اللى بيجرالى
ومن كل قلبى كرهتها
فاكرانى ..... فاكرانى
فاكرانى لسه بحبها
هيه ماتعرفشى معنى الاخلاص
ومافيش حبيب هايسكن ابدا قلبها
من بعد مامات فيها الاحساس
من غدر اول حبيب كان فى حياتها
صدمها وسابها لوحدها
فاكرانى ..... فاكرانى
فاكرانى لسه بحبها
كلمات / إسلام السيد حسن السيد سالم عامر