(مجلة كل الخواطر) ايدى فى ايدك ------بقلم الشاعر \رضا حسب النبى

** أيدى فى أيدك **
أيدى فى أيدك يلا نطير
عينى فى عينك شايف ايه
شايف صورتى جوه عنيك
أيدى فى أيدك حاسه باايه
حاسه بدفا فى لمس أيديك
وهمس ولمس وحب كتير
لكن حاسب ممكن أغير
ياحضن دافى وكله حنان
ياشط بحر يا بر أمان
ياوردة فى غصن ومنها يميل
يا أجمل خيل عربى أصيل
ياطريق مسافره وشايفه طويل
ما أنتا فى حضنى وبردو قليل
أيدى فى أيدك يلا نطير
الشاعر ..رضا حسب النبى
29/9/2016