بسم الله الرحمن الرحيم
مش بخاطري ...!!
( إلي مجهولة الاسم والعنوان ..! )
كلمات / أحمد عبد اللطيف النجار 
شاعر أم الدنيا الحزين
مش بخاطري 
أو بإيدي ...
تبقي روحي ..
في انكسار 
كنت أنظر ..
ليكي نظرة ..
انبهار !
كنت أبكي الليل
واستني النهار 
قلت يمكن ...
روحي تهدا ..
يمكن أوصل لقرار 
قلبي عاتبني ..
وقال لي فين....
كرامة الاعتذار؟!
اللي باعك ...
برضوا بيعه ..
حبك ليه ...
عيب وعار !
قلت يا قلبي 
أسامحه ..
قال لي سامحه
بكرة تندم ..
علي القرار 
الحب دا نرجسية 
حب ذات لذات 
وقت راح وفات 
قلب نبضه مات 
اكتشف إنه ضحية 
والقلوب في حبها
مذبذبة في أمرها
يوم تحب ..
يوم تكره ..
يوم تخاصم نفسها
يوم تكون متراضية
مش بخاطري ..
أو بخاطرك
تبقي أرواحنا ...
أليفة 
كنت فاكر ...
إن روحك
هيا روحي
عشت أوهام ..
سخيفة 
انكسار الروح ..
يا روحي ..
أمره صعب 
انعكاساته مخيفة
مش تخافي ..
من الحقيقة 
القلوب الطيبة عارفة
وفي مشاعرها بريئة 
تغفر وتسامح تملي 
لا يمكن تبقي مسيئة 
هيا أصلاً طيبة 
ولحبيبها قريّبة 
واضحة وطبيعي ...
مضيئة 
يبقي خاطرك ..
علي خاطري ..
نشتري بيه خاطرنا
نجبر المكسور ..
في روحنا ...
والأمل يبقى حاضرنا ..
كان مصيرك أو مصيري 
حبنا هوا مصيرنا 
حبنا هوا مصيرنا 
حبنا هوا مصيرنا !
أحمد عبد اللطيف النجار 
شاعر أم الدنيا الحزين
** ملحوظة : كل قصائدى وأشعاري كتبتها علي صوت ألحان الموسيقار العبقري عمّار الشريعي رحمه الله ، وألحان تلميذه الموسيقار العبقري ياسر عبد الرحمن حفظه الله .