جارى التحميل
استخدم زر ESC أو رجوع للعودة
يابت بلدي مالك
عامله ليه حوار
زهقت انا من كلامك
بقي شك واتهام
ياريت تخلي ما بينا
ذكري أساسها احترام
مش كل شويه نكش
و ضرب تحت الحزام
انتي مهره بقلب جامح
مطلوب شد اللجام
ليه ديما كل كلامك زي
الرصاص يصيب تمام
وترجعي تشكي وتبكي
وتقولي والله حرام
تتقمصي دور الشهيده
بدموع تماسيح شلال
كنت فاكر انك قمرايه
في السما بدر التمام
طلعتي بركان وثاير
بحرق كل الزمام
ماتفكريش أني ولي
أو إني في جامع أمام
انا انسان كله مشاعر
والي باقي من قلبي حطام
قلبي معدش نافع
يحب زي زمان
ياريت تصحي وتفوقي
وبلاش كتر الأحلأم
بنيتي صرح عالي
جداره من الاوهام
وسكنتي جوه غية
تمام زي الحمام
مع أول هفوه جايه
يتبعتر مافيش كلام
والحب الي ملوش أساس
يطير زي الدخان
