جارى التحميل
استخدم زر ESC أو رجوع للعودة
** إمسك حرامي **
أمور و داخل صفحتي
علشان يذاكر يستفيد
و يروح يقلد كلمتي
و يقول أنا الواد الشديد
إياك يا شاطر تفتكر
إن العيون متغمضة
دنتا اللي زيك ينتحر
أو ننفضه بالمنفضة
هاتعيش ضعيف
و تموت ضعيف
و لا عمر حرفك يتنصف
اصلك كما القط الأليف
لو شدوا ديله بيتكسف
ألفاظ بتاعتي يا ولد
و الفكرة مني أصلها
و حروف كتير مالهاش عدد
على كف ايدك شفتها
مرة بتنصب ملحمة
و مرة تتغزل غلط
حواليك نفاق على رمرمة
بس الجميع عارفك عبط
سكوتي عنك مكرمة
سايبك بكيفي يا قمر
من غير قباحة و تجرمة
راح تنفضح وسط البشر
انا عارف إنك حد سيس
لابس فوشك مطيبة
و وراها ألف قناع خبيث
و غاوي قعدة مصطبة
خدها نصيحة يا غبي
بلاش حروفي و بصمتي
ماتجيش تقلد مذهبي
و أبعد بعيد عن سكتي
** محمود بيومي **