"وأنا سهران"
بشوفك احلى نجماية 
بتضحكلي وتلمعلي 
وتملى الشوق ف سمايا 
بميلك عشان أحكي 
واوشوش بالأمل فكري
وامد إيديا على خدك 
واقول واشوف ايه ردك
ويرقص قلبي ويايا
تقوم نسمة تبعترني
وفكري احتار وحيرني 
ماهو فكري اللي سهرني 
وإنتي أحلى نجماية
تلملمني غناويا 
ماهو أصل الغنا غية
وترقص روحي وعنيا 
و إنتي صباحي ومسايا
وبلضم شوقي ف عيونك
وببقى بدر انا ف كونك
أنا قيسك ومجنونك 
حكايتي معاكي دي حكاية 
تلمي الكون على رمشك
ويلمع ف السما وشك
روحي بتصحى على حسك
ماهو انتي ساكنة جوايا
إبراهيم بدر عبدالله