(مجلة كل الخواطر) حكم علينا الزمان ------بقلم الشاعر\فرج البراهمى

( حكم عليا الزمان)
حكم عليا الزمان
وحكمه كان قاسي
لأهل ولا خلان
ولا علي البر أنا راسي
شايل الهموم أنا من صغري
وللحمول دايما شيال
والعقل تاه مني 
وحالي أصبح حال
والدنيا وخداها تحدي
وكارهه وصالي وودي
خلاص يادنيا منك طفح الكيل
والحمل أصبح علي الكتف تقيل
كل شئ غالي يادنيا
وأنا الي بأرخص ثانيه بثانيه
قاسيه وجايا انتي علينا
والحياة فيكي فانيه
دايما جايه علي بالكوم
وتعبت معاكي وعليكي بلوم
خفي عني الحزن شويه
وفرحيني حتي ولو ثانيه
ماتكيليش يادنيا بكلتين
واحد غني وفقير الفين
نزلت دموعي علي الخدين
علي عمر عدي بقاله سنين
أسكت ياقلبي وأخرس ياحزين
ح تشكي لمين ولا لمين
وهم فين بس السامعين
أسكت ياحزين