جارى التحميل
استخدم زر ESC أو رجوع للعودة
قالولى سيبها وغور.《♤》
قالولي سيبها وغور !!
وأسيب قبرأبويا الى ضحي بعمره فى العبور
قالولى سيبها وغور.!!
طيب ليه خلتونى أحمى حدودها أيام وشهور
قالولى سيبها وغور.!!
أنا ماحلمتش إنى أعيش زيكم فى فِيلل وقصور
قالولى سيبها وغور!!
أنا الى كل أملى رغيف العيش من غير ما اموت في طابور
قالولى سيبها وغور!!
طيب وهو الى هيترك بلده وارضه حيبقى رجل من الذكور
قالولى سيبها وغور !!
لو هى ملك ابوك بصحيح هات سند الملكيه يا طرطور
قالولى سيبها وغور.!!
اسيبها وأنا المصرى صاحب البلد من الساق للجذور
قالولى سيبها وغور!!
طيب ودم عمى الى روى أرضها تظلل بيه الفجور
قالولى سيبها وغور !!
إزاى وأنا عمرى ما سبتها ولا شلت فى يوم بسبور
قالولى سيبها وغور !!
أسيبها للحراميه تمص دمها وللرقصات والمسهوك الفرفور
قالولى سيبها وغور.!!
لا مش هترك أرضى ليكم وعلى ظلمكم راح أثور
《♧》 بقلم // عبد الرحيم حسن 《♧》
