(مزقى عمرى اللى سبته )
مزَّقِى كتبى اللى فاتت 
وامحى منها حروف آهاتى 
كوم دموع فوق منها جامح 
والسهر خِلِّى ف ليلاتى 
أحتسى وجدِى بإديَّه
والقى طيفِك 
ملء ذاتى 
مزقى لو هان عليكِ
قلب خافق 
مطَّرى بالرعد واسعِى 
بالشفق ليكون مرافق 
بين شفايفى جمر ثغرك 
بين ضلوعى 
شجون وذكرى 
معرفة كنت ف زمانى 
خلَّتينى الوقتِ نكره 
كنت تمييز والعدد
منى مضاف 
الكناية بر روحى 
والمجاز جوا الشغاف 
اللى بيقرَّب لنهرى 
يعمِّدوا منه المحبة 
ويعترف فوق كرسى 
حبى 
انُّه ما يشفيه سوايا 
لو جمعوا له 
ألف خبرة م الأطبة 
مزقى عمرى اللى سبته 
بين عنيكِ
وهييِّجى موجَة ف بحارها 
مركبى شد ف قلوعه 
عنترُه ما خاف زمانُه
من خضوعُه 
هوَّ للنعمان حساب 
والأحبة بين ضلوعه 
الشاعر راغب