غنائيه شعبيه 
💔💔💔💔
( صعبه الحياه )
آه ...آه ...آه
القلب داب وأنكوي من قولت آه
والظلم عشته ملحمه وازاي انساه
مخنوق يادنيا ..وفيكِ أنا 
ازاي أعيش
لما الحياه تبقي صعبه
والالم ماينتهيش

صعبه الحياه لما تقسي ف يوم علينا
ليه الدموع مش راضية تفارق عنينا

ليه كل ماأمشي في سكه 
الفرحه مش بلاقيها 
فين يادنيا الضحكه فين
ومنين قوليلي أشتريها

متغربين طول عمرنا
وفيكِ يادنيا ازاي نعيش
حني ف يوم علينا 
وعلي جرحنا مادوسيش

مخنوق انا .....وحاسس هنا 
قربت اموت 
إزاي نداوي جرحنا جوا السكوت

حني يا دنيا ف يوم علينا وارحمينا 
بكلمه منك هتمسحي دموع عنينا

صعبه الحياه لما تقسي ف يوم علينا
ليه الدموع مش راضيه تفارق عنينا
.............
بقلمي..الشاعر فرج البراهمي