شك وظنون
ياما قلبي من الظنون 
جنيت عليه
أنا مستحيل أقبل أكون 
لعبة ف.ايديه
لو أنت شايف حبي ليك 
ماهوش كفاية
إيه خلا قلبي يرضي بيك 
طب من البداية
مش نهاية حبي ليك 
تبقي العذاب
قلبي أمانة مابين إيديك 
أفتح له باب
راجع ضميرك وافتكر
مين اتظلم
ظلمت قلبي وبعتذر 
حسه بألم
متخلنيش أكره حياتي 
وحبي ليه
.................................
سمعت ياما عن دموع 
حزن وفرح
مادقت يوم غير الخضوع 
قلبي انجرح
سبب ظنونك أن شوقي 
بان وكان
أنا كنت فكراه من حقوقي 
مع الحنان
بنيت خيال حلمي في منامي 
مع الغرام
بصيت لقيت حتي في سلامي
مفيش كلام
كان الاتهام.أزاي أنام وأحلم 
بشوق
صحيت أوام.لامني الغرام ليه
تبصي فوق
حتي المنام خلتني أكره
نفسي فيه
طارق عطية ....شعر غنائي ط