جارى التحميل
استخدم زر ESC أو رجوع للعودة
نبضِــــــة حـُـــــــــــــزن .......
....................................
الحزن فارد شِراعُه
ف بحر الدم اللّي سَايل
والفرْح حاضِن شُعاعُه
وبكره بالهَم شَايل
وصوتِي ...
هوّه اللّي جاب لي مُوتي
ولو سِكِتْ ...
سُكُوتي ... مايِعْدِل ...
الحال اللّي مَايل ....
******
أمـــــل ........
..................................
روح ياليل عنّي ووَلّي
وياخيوط الفجر تعالي وطُلّي
هدِّتني ساعات السَهر ياليل
ويابشاير بُكره إمتى تِهلّي ؟؟؟
......
طال انتظاري ليك يانهاري
وخايف تِجِف يوم انهاري
ويانبع الأمل إيه مُحتَمل
وياجبال الصبر ليه تِنهاري ؟؟
.......
مابَقَاش باقِيلي حتّى بَصِيص
باتشَعلق بالأمل ولِسّه باصِيص
يمكن يكون لي لِسّه نصيب
تاني فى بكره وافرح تَمَلّي
...........
وعجبي ........
الشاعر رفعت ابو العلا
