تاجر وطن
***؛؛***
ياللى ملاكشى ف الحياه أرض و وطن ..
إن كنت لاجئ ... أو شريد 
إن كنت هربان .. أو طريد
إن كنت تايه عالحدود
أو كنت متهجر بعيد 
الحظ ليك يا ابنى إبتسم 
عندى أنا إن كنت ناوى
تشترى منى وطن !!!!؟؟
إيه !!!!!!؟؟؟؟
مش مصدق إنى أنا تاجر وطن !!!؟؟
تاجرت أنا ف الدين و ف الأرواح ..
و فى الأعراض..
ملاقتشى مكسب زى دى ..
قصدى تجارتى بالوطن ..
إيه ..... ؟؟؟
ناوى تفاصل و إلا ناوى تشترى؟؟
إيه النظام !!!؟؟؟
فيه عندى كاش ..
و طن و كام مليون عبيد ..
و لكل عبد لجام و قيد 
و قفص حديد
و كل دا منى هديه ع الوطن
(كادوه) عليه ...
قصدى بلاش .
العرض سارى لحد عمرى مينتهى
ولو جنابك جبت كام شارى معاك ..
هيبقى ليك تخفيض كمان ...
شوفت الجنان !!!!
ماهو أصل ماااا يعرفشى إيييه معنى الوطن ....
غير إللى محروم م الوطن ..
عندى الوطن ..........
يعنى حساب ف البنك 
سهر الليل ..
غنى .. 
مواويل..
و كام مزه ..
و كأس خمره مع المزه..
حيااااااه لزه ..
عايزنى أعيش على وهم إنكسر فيكم ؟؟
عايزنى أشوف وطن يعنى تراب غالى !!!!،
و أرض و عرض ..
و حب و ناس تعيش بحنان ..
و ناس بتضحى بحياتها .......
عشان الناس تعيش ف امان ..!!!!؟؟؟
هههههه 
أنا حيواااااااان ..
حياتى شهوه مفتوحه على الدنيا 
و نفس ضعيفه مفجوعه 
و قلب إسود ملاه الحقد ..
أنا حيوان ...
أعيش و أموت بأى مكان 
و كافر حتى بالهجره ..
و لو حتى تكون عاده ..
و تحصل ف السنه مره ..
و نرجع قال !!!!!! وطن اصلى !!!
أنا هههههههههه ...
أنا معرفشى إيه أصلى ..
و لا فصلى ..
أنا تاجر وطن و خلاص ..
ببرنامج سداد مفتوح ..
نظام الكاش خلاص قلته 
و فيه تقسيط 
و فيه رهن بحيازه كمان 
و فيه بضمان ..
أنا الكسبان 
ببيع أوطان ..
***؛؛؛***
بقلمى~~*
أحمد السباعى