(مجلة كل الخواطر) فى عينيكى اية خدنى لية -----بقلم الشاعر \سيد صادق

ف عنيكي ايه خدني اليه.. 
خلاني ادوب و احن ليه .. 
ف عنيكي نور و حنين و ضي 
و حاجات كتير و حلم جي 
لفيت كتير ملاقتش زي.. 
قلبك و فين تاني التقيه 
ف عنيكي ايه ..؟ 
من يوم ما قابلت عنيكي 
وانا قلبي داب م الشوق 
لو قلبي بيحلم بيكي 
م الحلم يا ريت ما يفوق 
خليتي القلب يحبك 
يصحي وينام علي حبك 
لو عمري الجاي مش جنبك 
هاعمل بالعمر انا ايه...!!!!!!!! 
ف عنيكي ايه ..؟
سيد صادق