(مجلة كل الخواطر) إسمعى ------بقلم الشاعر \عبد الله السايح

إسمعي
قلت يامه وياما قلت
اسمعي مره الكلام
من دماغك ياما شلت
وهم عشش والسلام
قلت لسه صغيره
والحياة فيها العلام
فيها عايش مسخره
وفيها جدبالكلام
فيه وشوش في المقبره
وناس تحب الانتقام
وش عايش نأوره
ووش عايش في سلام
ووش عملة مزوره
وكل شيء عنده بكام
وشوش كتيرمتصوره
وانت تايهه في الزحام
صعب تبقي للحقيقه
وانت لسه العقل خام
عايشه عمرك بالدقيقه
في المصايب والآلام
خارجه من ضيقه لضيقه
ورفضه تصحي والسلام
تعرفي الناس الرديئه
وتطلبي مني الخصام
لحد ماتجيني المشيئه
وترجعي شايله الآثام
تبكي وتقولي بريئه
وأنا اللي أواجه في العوام
واخد الأحزان طريقه
وأسيب لدمعي اللجام
يخدني لناس مسيئه
صعب يبقوا في المنام
خساره فيهم حريقه
خسارة فيهم سلام
ياما شلتيهم في ضيقه
وتستخسري فيا الكلام
ناس أمنتيهم حقيقة
وعندهم سرك يبان
ياما وعيتك صديقه
وكان ردك هوان
ياما قلت انت العليقه
وهما ناس للشر بان
قلتي إخواتي وأهلي
رغم شدة الإرتطام
حرقوا أرضك حرقوا سهلي
حتى برجك للحمام
باعوا عرضك وقالوا مهري
وقالوا إهرب في الزحام
قلت ياما بالمحبة والسلام
إسمعي مرة الكلام
وأنت رفضه تفتحي حتى الودان
أو تقابلي النصيحة بإتهام
زي لما قلتي عني إني شيطان
إماطامع إما جامع لإنتقام
وأنت شايفه إني وحدي في الهوان
وإن صدري بس مرمى للسهام
يعني فوقي وإعرفي شكل البيان
أو إسمعي مره الكلام
شعر
عبدالله السايح