(مجلة كل الخواطر) تسمحلى يا ورق ------بقلم الشاعرة \عزة وهيب

تسمحلى يا ورق ------
تسمحلى يا ورق احكى معاك شوية 
اصلى موجوعة ومش لاقية حد اكلمة 
حسيت انى مخنوقة من الدنيا ديا
لبست توبى وخرجت ...
لكنى رجعت ...ايوة رجعت 
معرفتش اروح فين 
اشكى همى لمين 
اتكلم وافضفض باللى جوايا 
اتكلم واعلى صوتى 
اصرخ بصوتى الحزين 
واستنى ايد تطبطب عليا
وتهون عليا شكوايا 
تواسينى فى وجعى 
وتقولى متخافيش يا ضى العين
بس يا خسارة 
مفيش حد يحس بيا ويسمعنى
ويرد عليا 
غير صدى صوتى المخنوق ويايا
عارف يا ورق حسيت ان البكا 
مبقاش يفيد
ولا حتى نواحى وصوتى 
اللى راح وهو مش سعيد
جريت عليك 
وقلت انت الوحيد 
اللى بتسمعنى 
بجيلك حزينة فرحانة 
زى ما بجيلك بتهون عليا 
عمرك ما قسيت عليا 
ولاعمرك كنت بتوجعنى 
انت الوحيد اللى فاضل ليا 
يارب يديم نعمة وجودك جنبى وفى قلبى 
انت وقلمى اللى بين ايديا 
عزة وهيب