(مجلة كل الخواطر) متقفـلش باب الامل -------بقلم الشاعر \حسن الشوان

.......................... متقفلش باب الآمل .....................

..........................................................................

متقفلش باب الآمل خليه موارب
وخليك دايما ضد الـيأس محـارب
حلاوة الحياه لما تقع وتقوم وتقاوم
والإيمان جواك شعـاع كله مكاسب
حس بالناس تلاقيهم كلهم حواليك 
ونور الإحســــاس ح ينور كل لياليك
ويقهر كل أزمــه مهـما كانت ضلمة
وهيبتك تهــزم كل خـوف مستنيك
شجاعتك من جواك مش مستعارة
تجور علي كل ظالم بقوة وجسـارة
يخاف يقاومـــك أو يظــــهر إدامـك
ويختفي من حياتك في أي مغـارة
إزرع الآمل في كل مكان وشارع
إسقيه ضمير يطرح فهد مصارع
وينشر النور وينـــــور كل القلوب
وعناقيدة تتذوق بها كل الشوارع
إفرد شــراع الآمـل لكل النـــاس
إردم أوجــاع دابت من زمـــان
واللي فات مات ومـاله أساس
النهاردة الحب أغلي من الماس
إفتح باب الأمل وخليه مرضـــوض
وإخلص في العمل بهمة الوعـود
ح تلقا الكريم جنبك بيساندك لأن
رب العباد في كل مكان موجــود
.............................................................................
............. إحساس الشاعر / حسـن الشـوان ...........