جارى التحميل
استخدم زر ESC أو رجوع للعودة
... حتــــــــــة منـــــــى ...
~~~~~~~~~~~~
وانـــا بيـــن إديك
باشتــاق اليـــك
ويــــدق قلبـــــى صهيل بيرمح
ف سباق بينده
عمره فيك
ولاقـــــــى روحــــــــى زى نجمة
بتنـــاجيــــك
والـكــــون بيسعى يطوف يا عينى
بين مروة قلبك والصفا
رعشة عنيك
حاسة إنى ف قدس حبك
والحمام
أبيض بلون النور بيعشق
يبنى عشه
ف حضن صدرك والسلام
صفصاف بضلل
القلوب
زمزم بيطفى ميته
جمر الدموع لما يغيب
عنى الحبيب
مجنونة بيك
معرفش غيرك ف الوجود
بعشق هواك من غير حدود
البعد عنك
مش مرة واحدة يجينى موت
بل ألف موت
باسكن سكون الليل وباحلم
إن شطك جوا قلبى
تقدر تحرك فيه ياأنى
بالريموت
وانزل لدنيا الناس بجسمى
ما انت واخد قلبى منى
والتحف جمر السكوت
واستعير الحرف منك
مهما ينتابنى الضغوط
بين سكاتى وبين كلامى
ألف نجمة مدوخانى
بالشروط
وانت شرطك غصب عنى
فوق شروطى
وابتسامتك مهما يحصل
فوق خطوطى
إنت إنت
حتة منى مش كفاية
إنت كلى يا حبيبى
لو عدتنا ظروف بتقتل
إن يوم تكون نصيبى
ساكنة فيك
ما انت ساكن يوم ما شوفتك
بين دمايا
سارى فيه
هل صحيح إن حبى
سارى فيك
~~~~~~~~~~~~~
عبيــ ღــ الجنـــــ ღـــــــدي ــ ღــــر
همسـღـات اســــتثنائــღــة
