(مجلة كل الخواطر) ست الدار -----بقلم الشاعر \مدحت فضل

ست الدار
قامت.من نومها مع ادان الفجريه ولسه فاضل علي شروق الشمس شويه
عشان ...تعمل اشغالها اليوميه من طبيخ وغسيل هدوم و الادوات المنزليه
جهزت........ فطور الصبحيه سلقت كام بيضه علي حبة فول او حبة طعميه
كوبية ......الحليب للاطفال ويا المهلبيه وبسرعه لبست الشال ويا الجلابيه
عشان........ تلحق السوق وقت البدريه تشتري الخضار طازه وحالته منديه
السوق......... مليان بالمنتجات الغذائيه بس الاسعار غاليه وتخرب المزانيه
راح .........تعمل ايه ويا قلة النقدية محتارة تشتري ايه وسط حاجات مغريه
تفاح ..........وموز ولحمة كندوز ولا بطانيه ومفيش هناك اي تسعيره جبريه
سوق....... كبيرة مليانه الاف الحراميه كله طماع عاوز يبيع ام عشرة بميه
اشترت......... وركبت في العربيه بس كان نفسها تجيب حاجات كثير تانيه
ابنها .........وبنتها عاوزين ادوات مدرسيه وعيد ميلاد اختها ونسيت الهديه
بعد ............مارجعت قبل ادان الدهريه لقيت حبة فواتير كهربه وغاز وميه
الفواتير................ زايدة في الاسعار شويه صرخت وكانت صرختها مدويه
عدت ..........ساعات اليوم بعصبيه وهي بتبكي علي فقرها وقلة النقديه
ازي................ راح تحل مشاكلها اليوميه وكل يوم من الحال ده ياافنديه
الشاعر مدحت فضل