(مجلة كل الخواطر) انا ابن الوطن-----بقلم الشاعر \سيد بدرة

قصيده بعنوان 
انا ابن الوطن
شعر
سيد بدره
أنا ابن الوطن 
سوري فلسطيني 
انا مصري ولبناني 
عراقي وتونس الخضره
انا ليبي وم المغرب 
امل بكره ......جزاير حب وجداني
وسوداني ..وم اﻻردن.حماها الله 
ووطني هو عنواني 
€ أنا مصري €
وعايش ..بس علي قدي
وعارف ... ف الحدود حدي
وماسح ..... م العرق خدي
وحلمي ضحكة اﻻيام
وبيتي جوه في حاره
وحارتي ساكنه في حاره
وسناره ...
تجيب الرزق من بدري 
وابوس يدي 
وأشكر نعمه اﻻسﻻم
وبافصل شري من خيري
وعايش بس ف الدنيا 
بتفكيري ... 
كبيري رغيف وحبه ملح
واداوي الجرح ..يطلع جرح
ونفسي أبدأ معاكي الصلح
يا دنيا ابدأي .. بسﻻم
رغيفي حاف ...دفايا لحاف
وعمري ما أخاف 
من اﻻيام...
......... 
أنا ابن الوطن ..
£ سوري £
ودستوري ... كتاب الله 
وصنبوري عطش فيه 
..وقولت اﻻه ...
وجف العاصي ..ونهوري
يا حول الله ..
وغرق العدل ف بحوري
وكل الدنيا مش شايفاه
وانا ابن الوطن ..باحلم 
يعود اﻻمن يوم ..وانعم 
وأزرع ... ضحكتي توبه 
وأرجع ... بسمه معطوبه
وأبني ... طوب فوق طوبه 
ودا حلمي ... اللي باتمناه 
.... ...
وانا ابن الوطن برده 
انا اصلي فلسطيني 
ونبت في خضار ارضه 
وكان عرقي دوا طيني
زرعت المجد .. 
جناين ورد . ﻷوﻻدي واحفادي
رويت ...بالدم كل الارض 
ومش عايز 
مساعدة حد 
وأقولها بجد ... فديتك 
يا ارضي يا مهبط الرسالات 
ولو عايش علي الدنيا 
ولو حتي كﻻمي سكااات 
عشان ارضي ... تواريني 
عشان ..روحك بتحييني 
وتنزع ضحكة اﻻهات 
تداويني . ....
عشان نبتي فلسطيني
..وحجري ف ايدي قنبلتي
فداكي يا بلدي ... ..اﻻ انتي 
تهون الدنيا ..وﻻ مره ف يوم هونتي
يا فرحه ... ف احلك اللحظات
فداكي روحي تحﻻلي 
ويرجع قدسنا الغالي 
ينور ف الفضا العالي 
ولو عمري مكفاشي 
اجيب عمرين علي عمري 
وافديكي كمان وكمان 
يا ارض الله 
حماكي الله 
ياقدس يا منبع اﻻديان
... ... 
انا ابن الوطن باقي 
أنا عراقي ....
فراتي ودجله ترياقي 
يميل النخل يطرح طرح 
أشواقي . ...
ويشرب م الفرات زرعه 
وتاكل خيره من ضرعه 
وفوق درعه .. اتقتل خوفه 
ومعروفه ..شهامه و النجيب خوفو 
وكان الشهم ابن حسين 
وكان مﻻيين يحبونه
وقتلوا الضحكه ف عيونه
شهيد الحق والكلمه
فرات تاني وساكن قلب شرياني
ودلوقتي فراق وصدام 
ما بين الفرح
مليون جرح 
عشان مات البطل صدام 
وبين السنه والشيعه 
وداعش واخده تربيعه 
علي ارضي ...
تصول وتجول علي عرضي
ومين يسمع ...
ياريت العدل يوم يرجع 
ولو حتي .. بروح تروح 
انا قابل ....
وافديك يا عراق الروح 
ويوم الاخره .. نتقابل
.... .....
انا ابن الوطن 
£ ليبي £
وتعذيبي ...اعيش
علي ارضي مش ليه 
ومات فيه ....
ضمير انسان 
وكنت زمان ...
باتعايق علي ارضي 
وكانت قبلتي فرضي 
وكنا زمان من اﻻحرار 
وعشنا من زمان ثوار 
وكانت دعوة المختار
ما نركعشي ....نبص لفوق
ومات فيه اﻻمل مشنوق 
ودلوقتي ....
وبادينا ... من مر الزمان بندوق 
وتاهت منا خطواينا ..
علي ظلم الزمان فينا 
وندعي نقول يارب نفوق 
يارب نفوق ....
.........
انا ابن الوطن
£ يمني £
سؤال واحد 
انا باسال علي امني 
و خايف عليك يابني
بﻻش تبني
قساوه وحقد وتسيبن
واوعي ف يوم 
تكون جاحد.....
تخلي العدل ... مش واحد 
امنت بربي الواحد ...
وحملي تقيل .. وحلمي قليل 
مالاقي في زماني ويل 
واعيش اليوم بمحسوسي 
ما اخاف يدخل علي بيتي 
خسيس ويقول انا حوثي 
مانا منك ...
وكنت في يوم قريب منك
وليه دنينا تلهينا علي كرسي 
حرام يا دنيا ما تدوسي 
انا نفسي 
اعيش في بلدي مش خايف 
واكون شايف ... واكون عارف
علي ارضي .....طريق وحدود 
واكون موجود .... 
ولو حتي واكلني الدود
........ ..... ..
انا وطني انا مصري ولبناني 
انا من تونس الخضرا 
وبلدي هيه عنواني ....
انا م المغرب الحره انا سوداني 
انا م اﻻردن الطاهره انا عماني 
انا يمني انا ليبي
انا سعودي ومكه ساكنه شرياني
انا كويتي .. انا عراقي 
جزايري وعمري كان باقي 
وساقي ترابي بالشهدا ء 
انا ابن الوطن ...عايش 
علي الاشواق ... 
اشيل كل الحدود بينا 
يكون بينا نهار ونهور 
من الترياق 
ونحمي كل خطوه ارض 
من اﻻعداء ....
ا
.