جارى التحميل
استخدم زر ESC أو رجوع للعودة
انت فين يا إنسان
.........................
يا ترى أنا عايش فى وهم
و لا أسأت الفهم
كل إنسان رهن ظروفه
إلا إن يكون أسير خوفه
اديتك الأمان
و لسه خايفه و اكتر من زمان
رغم ان حبى ليكى
خلاكى صاحبة مكان
و انا اللى بروح اليكى
و بطلب الاستئذان
يا ترى انا كنت اكتر من اللازم شهم
و لا أصابنى من الحب سهم
خلانى أعمى مش شايف
خلانى مِآمِن مش خايف
فتحتلك قلبى و جعلته بيتك
لأنى بجد حبيتك
و عشان اتمنيتك استنيتك
و لو قدرت اجيلك كنت جيتك
فتحتلك قلبى و جعلته بيتك
و لسه خايفه
مع انك شايفه
يمكن تكون أنانية منك يمكن
و يمكن قلبى وقف فى حته غلط يركن
و يمكن لسه ما جاش الأوان
حد يحبنى حب الحيوان
انت فين يا انسان
عايش و لا ميت
و لا انت بس لسان
انت فين يا انسان
عايش و لا ميت
و لا مفكر نفسك انسان
من غير إحسان
......................................
محمد أبوالمعاطى
