(مجلة كل الخواطر) قلـــــــبى -----بقلم الشاعرة \عزة وهيب

قلـــــبى .......
قلبى مخطوف منة الفرح 
ومسروق منة حياتة 
عايش وحيد اليفة الجرح
ورفيق طريقة اهاتة 
قلبى اللى كان ساكن القصور
ملك بين ضلوعى 
يؤمر وينهى جوايا بكل غرور 
وعُمرة ما شاف قطرة من دموعى 
قلبى اللى كل دقاتة كانت اوامر 
عاش جوة روحى 
وشرايينى اسيرتة 
الحزن لو فكر يزورنى يبقى بيعافر
وعارف ان هناك نهايتة 
ميقدرش يقرب من حياتى
ميقدرش يفكر فى قلبى 
عاش الحزن بعيد عن دنياتى 
مقدرش يسرق منى حبى 
لكنة عافر قاوم 
وقدر يحتل كيانى 
خطف من جوايا روحى 
وغرقت انا فى بحر حرمانى 
وقلبى ... قلبى اللى كانت السعادة 
تاج على جبينة 
دلوقتى 
خلاص ضاع ... وضاع مع الحزن كل فرحة
ومش فاضل غير وجعة وانينة 
قلـــــبى ......قلـــــبى 
عزة وهيب