(مجلة كل الخواطر) كان بودى. ------ بقلم الشاعر\محمد أبوالمعاطى.

كان بودى
.............
كان بودى تكون جنبى حبيبى
كان بودى تشيل همى حبيبى
كان بودى كان بودى
بس خلاص مش هيجدى
خليك مكانك حبيبى
و عيش زمانك حبيبى
و فى يوم أنا راح اجيلك
رافع راية جدى
و فى يوم راح أنا اشيلك
من ع الأرض بيدى
كان بودى كات بودى
بس خلاص مش هيجدى
و لا عمرى هطلع من جلدى
بس أوعدك أكون فى يوم عندك
و اللى كان سيدك راح اخليه عبدك
لأنى بجد حبيتك و ببكى من أجلك
لأنى بجد حبيتك و بعتبر نفسى من أهلك
راح احققلك كل أحلامك
اللى شفتو ف منامك و اللى ما جاش على بالك
راح اخليك حر ف كلامك
تقول اللى تقوله و ما حد يقولك مالك
راح اخليك تعرف يمينك من شمالك
بعد الظلام و الظلم م اللى خان دينو و خانك
راح اكون بجد خالك
و الخال زى ما بيقولوا أب
و لك و ليا يا حبيبى رب
و الخال زى ما بيقولوا أب
و عشانك حبيبى أنا فى حرب
..................................محمد أبوالمعاطى..