(مجلة كل الخواطر) وهعلنها مدوية ------بقلم الشاعرة \فايزة البغدادى

وهعلنها مدويه 
إنك ياحبيبي ليه 
الشمس والهوى والميه
وإنك النور لعينيه
وهعلنها مدويه
إنك ملكت الروح 
إنك حبيب الروح 
وإنك أنا وبوضوح
هعلنها أدام الناس 
إنك نبض الإحساس
إنك لحياتي أساس 
وإنك بقيت ياعمري
تاج فوق الراس 
وإني هعيشلك بإخلاص
هعلنها بمحبه 
وياك حبه حبه 
هقعد كده واستنى 
يجي نصيبي معاك 
وأخرة طريقنا الجنه
وهعلنها لعوازلي
بأن حبيبي غزلي
من حرفه بيت شعر 
أسكن فيه الشطر 
وأحضن عيونه الغوالي 
وأبات أنا على السطر
وبنالي قصر عالي 
فوق هناك في العلالي 
جانب القمر وناس
أبص أنا على الناس
وإن لامو طب وأنا مالي
وجابلي من السما النجوم 
عملهالي عقد ملضوم 
لبسه لجبيني 
وطبع قبلة محبه 
وقالي إقبلي الهديه 
دي علشانك ياصبيه 
المطره أعملها شمسيه
تحجب عنك الشمس 
لو يوم طلعت قويه
وجابلي مصحف هديه
وقال يانور عينيه 
عهد الله عليه 
وبينا قرأنه 
لأعيشك أميره 
ياللي في عينيه 
إنت أجمل حوريه
أنا دوبت بين إيديه 
قولتله انت الهديه 
ورضا ربي عليه 
انه وهبك ليه
وإنت كمان إعلنها 
إني لك حبيبه 
ماعايزه غيرك حبيب 
ولو ملكوني الدنيا بإيديه
بقلمي 
‫#‏فايزه‬ البغدادي
ولوج أخير