(مجلة كل الخواطر) ولسانى بقول الاة -----بقلم الشاعر \فرج البراهمى

(ولساني بقول الآه )
ولساني بقول الآه من قلبي
ومحدش حاسس بأﻵمي
وماليش في الدنيا غير ربي
وعايش فيها وحداني
ولساني بدوس علي الارض بأقدامي
وأدور كل يوم في أحلامي
علي وظيفة من المحنه تعديني
تكفي اللقمة والهدمة لعيالي
ولساني دموع العين بتكويني
بتنزل علي الخدين تعزيني
لما ولادي نور عيني ينادوني
هناكل بكرة إيه تاني
ومش عارف أرد بايه
ولا في إيدي حلول تاني
وأشوف الحيره في عيونهم
ونظرة عتاب منهم علي بكرة
وكأني في ظلمهم أنا الجاني
ولساني عايش في بيت مشروخ
وينزل فيه مطر غزير بشدوف
ومتغطي بلحاف الامل ملفوف
وأبدل ضلمتي بشموع وحروف
وراضي بقسمتي وحالي
ولساني عايش بالامل ملهوف
وبأرفع إيدي للمولي حنين ورؤف
يمكن دعيا يسمعني
وبأشكي وإيدي مش طايله
يرحمني وينجيني من الدنيا
يارب رحمتك واسعه
فوسعها علي الملهوف