ارض الخير...محمودبكرشلطف
وانا في بطن امي حلمت حلم جميل
بارض خضره...ميتها طاهره
اهلها ناس طيبين
بيحبوا الخير...وينوروا البيت
طيرها في السما وسمكها في نهرها
بيغني ويقول
مصر...مصر
ياام اﻻصول لك احيا وبيك اموت
ولما خرجت للدنيا
شفت الخير...في بلدالخير
ياام الخير
فراشه من السما
دبت على كتفي وقلتلي
صباح الخير
شرفت بلدنا...ام الملايين
فلاح شريف...وعامل وصنايعي
معلم وطبيب كله يرحب بيك
نسقيك من نيلها
وتاكل من عيشها
تعيش في نعيمها..وتشوف خيرها
وتقول مصرياام الدنيا
حلمت بيك مره
تمنيت احلم من جديد
ﻻني شفت حقيقه اهلك
وجدعنه ناسك
وحب الخير في قلوب ناسك
ياام النيل
شفت الخوري يهنيني بشوفتك
والشيخ حابب يسقيني من طهرميتك
وام الرجاله..حامله على راسها
مقطف مليان من خيرك
علشان ان مت 
تكون اخرلقمه من خيرك
ياام الدنيا
تمنيت انام
وماصحاش من حلمي
ﻻني بيك فرحان
ياام الدنيا
يامصر
محمودبكرشلطف