لحظة سكوت 
..............
لحظة سكوت الصوت 
سرحت في الملكوت ..
ايه اللي فاضل لنا 
والباقي من عمرنا 
مهما يطول لازم نروح للموت
..
لحظة سكوت الصوت 
رايت شريط عمري 
ايام ورا بعضها 
ورا الهوي تجري 
ونسيت كتير ربنا 
والباقي من عمري 
مهما يطول ..
لازم نروح للموت 
...
لحظة سكوت الصوت 
سرحت في الملكوت ..
مين اللي قال للشجر .. تطرح لنا الثمره 
مين اللي قال للارض .. بالميه تكون خضرة 
مين إللي نور سمانا بنجوم مع القمره 
غير رب كريم جبار متغلبه القدرة 
والباقي من عمرنا 
مهما يطول لازم نروح للموت
........
لحظة سكوت الصوت 
سرحت في الملكوت ..
من يوم ما مات الضمير 
والكل بقي ملعون 
نسينا فعل الخير 
وموسي صبح فرعون
والباقي من عمرنا 
مهما يطول لازم نروح للموت
................
بقلمي ‫#‏نادية_بدري_محمد‬