جارى التحميل
استخدم زر ESC أو رجوع للعودة
خاطر لفؤادَة و فؤادَة لخاطر
جواز عتريس من فؤادة باطل
مهما فضل عتريس يماطل
و يزرع ف قلبها الخوف العاطل
و يزين لها العواقب و المخاطر
خاطر لفؤادة و فؤادة لخاطر
جواز عتريس من فؤادة باطل
باطل باطل باطل باطل
قالوا ع الانتصار انتحار
امال ايه الانكسار
و ايش يكون يا أهل الدار
قتلوه بفعل فاعل غدار
اغتالوه و قالوا انتحار
و هو الخط و هو الجدار
و النتيجة وقعت الدار
و مهما تسند فيها يا عتريس
خاطر لفؤادة و هو العريس
و ما حد بيعدل المايلة
و هو روحه تايهة
بين امريكا و الروس
خاطر لفؤادة و هو العروس
عارف سكته و دارس خطوته
و خلاص فؤادة حبته
و ان مات زادت محبته
و عمر فؤادة ما نسيته
و هو بيدافع عن كرامتها و عرضها
أحسن مليون مرة م اللى بيدافع عن أرضها
محمد أبوالمعاطى
