(مجلة كل الخواطر) رباعيات خريف العمر ------بقلم الشاعر\صلاح الصغير

رباعيات خريف العمر
..................................
اللى باقى من سنين العمر
قصاقيص ورق
وكلمتين ع السطر
وشوية زكريات
مع حبة تنهيدات
القلب ليهم رق
...
اللى باقى من سنين العمر
بعتب ع الزمان طول مسافاته
وبيجرى بسرعه ولا حد فاته
حفانا ما كفانا وأخدنا على قفانا
وباقى من عمرنا رفاته
.....
شقينا وتعبنا والشقا مابيخلص
كتينا كتير وكنا كتير نخلص
واحد وراه واحد يفارق
واللى فارق الطيب والمخلص
.....
سكاكين الملل متسننه صح
متهيئه عالجرح قبل الدبح
ياقلبى ليه حزين؟؟؟؟
ونبرة صوتك طالعه نبح
.....
راح الشباب مستحيل يرجع
ولا عدش فى حد بقى بيسمع
ياشكوتى .....ياقصتى
إحنا فى زمان المنع
......
صلاح الصغير