(مجلة كل الخواطر ) بيحسدونى ----بقلم الشاعر \ايمن البلاط

بيحسدونى
بقلم الشاعر
ايمن البلاط
بيحسدونى الناس
على ايه مش عارف
البخت مايل
وبالعين مش شايف
والجسم خلاص بقا نحيل
من اقل هزة ريح بيميل
حتى الصحه بقت عدم
امراض واوجاع والم
ياناس بتحسدونى
بس على ايه
الجيب مفهوش
ولا حتى جنيه
البيت مفهوش للغاز انبوبه
وماشى حافى من غير زنوبه
البنطلون كمان مقطوع
واصرخ بصوت مش مسموع
تعبت فى الدنيا كتير
بدل الشغله شغال اتنين
والقميص اللى حيلتى 
بجيب واحد مش بتنين
ياترى بتحسدونى على ايه
حتى الحب مالى بخت فيه
خطبة بدل الواحده ميه
معجبت ولا وحده فيهم
ولا حتى بياعت الطعميه
باعونى وانا كنت شريهم
وبدورعلى وحده صبيه
تكون من بيت متربيه
الأصل يكون غالبها
اشيلها فى قلبى وعنيه
بس تكون غلبانه
متندغ يوم ف لبانه
وفى شغل البيت لهلوبه
متعمل فيها تعبانه
راضى ببختى ونصيبى
ونار الشوق ولهيبى
حوشو عنيكم عنى امانه
بيحسدونى الناس
على ايه مش عارف
البخت مايل
وبالعين مش شايف
بقلم الشاعر
ايمن البلاط