الغلالي في الغيطان
مالية العيدان والسنابل
خير بلدنا أصله بان
ناقصه شعب يكون مناضل
شعب فايق مش كسلان
شعب م يكون شاغله شاغل
الغلالي في الغيطان
بتنادي على المناجل
ابن بلدي مش كسلان
ابن بلدي أصله راجل
القمر فوق كان مخنوق
والظلام كان أصله كاحل
بالصلاة.... وبالقران
قمر بلدنا أصبح كامل
كنا بنشوف ايام زمان
قصة العبور والمقاتل
كنا بنعاني من الحرمان
بس الخير بيننا متواصل
كنا حاسين بالأمان
حتى الصبايا والأرامل
كنا بنشوف ألف ليلة
ولا كنا نسمع عن قنابل
كنا بننام بعد العشا
والعدد في الفجر هايل
أصبح ما بقى فيه خشى
وبقينا على ديننا نتحايل
يلا نرجع زي زمان
ونقوله مفيش بيننا جاهل
عدونا أصله فرحان
باللي بيحصل من مهازل
احنا اصلا يا جدعان
شغلة العدو الشاغل
إبراهيم بدر
إعجاب تعليق
