عتمة
* * * *
يا عتمة الايام
يا ليل سواد الحر
جرحي بقاله كام
يجي الزمان ويمر
والظالم .... المفتري
واقف براسه يطل
يضحك علي الغلبان
بعين ملاها الغل
يا صبر أخرك إيه
طعم الخيانه مر
عيني علي المظلوم
شارب كعان الذل
شايل ف قلبه هموم
فوق راسه شايل تل
مين للغلابه يشيل
ومين ف إيده الحل
يا دنيا جرالك إيه
ليه الميزان إختل
بتيجي ع الغلبان
تأسه عليه وتقل
يا دنيا يا غداره
كل اللي حبك مل
الحب فيكي خساره
شيله ف قلبك غل
هيجي يوم تندمي
لما يفوت الكل
تبكي ... وتتأسفي
للمولي عز وجل
* * * *
بقلم / طه إبراهيم