(مجلة كل الخواطر ) الاصيل ---بقلم الشاعر \طه ابراهيم

الأصيل
******
نفسي أسأل مره نفسي
والقي نفسي بعد شوق
زي واحد كان مسافر
راح يدور الحقوق
تاه ف أرض الله سنين
والطريق مليان شقوق
راح ف حفره بعد حفره
نفسه يمشي مره فوق
نفسه يمشي زي غيره
وإن وقع يلحق يفوق
نفسه يرجع تاني ليها
شوق بيغلي ف العروق
دا الغريب لوعاش ف جنة
أرض بلده ليها شوق
يحمل الاشواق ف قلبه
إسم بلده عالي فوق
لو هياخد مال قارون
أو حيحكم عن فاروق
عمره ما يساوم عليها
لو هيلبس ألف طوق
لو سباع الأرض تنهش
أو يموت مليان حروق
تلقي بلده جوه قلبه
ليها ف الأشواق حقوق
هو دا طبع الاصيل
وإن غلط يلحق يفوق
صعب تتفك المبادئ
يا ابن بلدي ياله فوق
*******
بقلم / طه إبراهيم