جارى التحميل
استخدم زر ESC أو رجوع للعودة
(الشروق بصفع قفانا )
احلف يمين
إن جمرك مش هايخبوا
طول ما قدسك ع الشمال
مش ع اليمين
وان روحك داخلة كونها
ف السبق
مش دق هون
وان عقلك مسبحة
بتذكرك باللى خالق
واللى ما ينصرش دون
وان مؤتة ..وفتح مكة
والمداين والحصون
شوفتهم من خلف دمعة
مستحية مننا
والنخيل بيدارى تمره
بين شموخه ف السنين
.........
اعصفى ياريح قلوبنا
وهيجى الموج الحزين
احنا شعلقنا القضية
ف الهوا
طواحين هوا
وعملنا بدالنا الظنون
وارجعنا للماضى ما قلنا
حطة
وان فيها جبارين
.............
واشربنا م الاردن وعومنا
وخالفنا يا طالوت جيوشك
وادعينا الصوم وحجة
وانتهينا بين رموشك
وانكمشنا زى باب ف صيف
م الخشب
وعبدنا ليل جوارى
وسجدنا للنصب
واعتمدنا الحرف صرخة
واعتمرنا
بين كاساتنا واللهب
.............
مين هنا شق الغيامة
والمطر ضفر شعوره
الشروق بصفع قفانا
واحنا بنلملم ظهوره
لا الندى رطب عيدانا
والعبق مكتوم نشوره
ألف ندوة نبان بإنا
لسه باقى فينا نخوة
هما خرجوا من جيتاهم
دخلونا فيه بنشوة
.....
(اقصى ايه
ما نعيش لروحنا
ما اندبحنا فيه كتير
والنهاية برده فضلوا
واحنا شيعنا النفير )
.......
دخلونا فى عب ضلمة
وفلكونا بعم سام
والمحافل
اللى معروفة بحيتانها
بألف ذمة وألف بومة
مكيجت منقارها لينا
واحنا قدمنا الغرام
لو سألت الطير يزقزق
إننا ملعون رؤانا
عمر سارق مش هايقسم
أو يشقشق بالسلام
...........
شيخنا قال اتلموا لينا
احصدوهم
قمنا عجلنا بفراقنا
ليحصدونا
آآآآآآآآآآآآآآآآه يا ساكن ف المدينة
العقارب بينا دارت
والساعات ملهاش كتينة
منا نايم أو بيحلم
أو بفقره بعد لقمة
للعيال المستكينة
أو بيضرب شوق بكفه
سقطوا منها الرتينة
الودع ما عاد بوشوش
والرمال بالموج حزينة
.............
حتى أنت يا بروتس
ساحراتك نافخة فينا
أى نار أكلت شجرها
مش أمينة
أى زيت ما بشع نور
مش زتونة
أى قهوة تزيد ف نومنا
سربوا منها جناها
أى وردة تنز دم
عايشة بينا
يموت شذاها
..........
لسه يا خنساء بننعى
صخر فيك والشجاعة
لسة ما خدناش وقاية
وانت قدمت المناعة
لسه بانطفى شتاتنا
ونقيد منارات الضراعة
ــــــــــــــــ
بروتس:قتل صديقه الملك فقال له ذلك .
حطة : لما طلب من بنى اسرائيل يدخلوا فلسطين ويقولوا حطة لم يفعلوا ودخلوا على إستهم وقالوا حنطة محرفين القول
شيخنا : الشيخ الشعراوى رحمه الله .
