(مجلة كل الخواطر ) فيها اللى قلبه إنضر - للشاعر / محمد سالم

فيها اللى قلبه إنضر
*******************
ويا العدم والشر تلقى البشر ع البر
فيها اللى داق الويل وفيها اللى قلبه إنضر
ساقيه بتروى دموع قادرة تبوح بالسر

اللى بيبكى مرار واللى بيبكى دمار واللى كواه الغدر
يصرخ بصوت مسموع ينزف فى ليل موجوع يحلم بنور الفجر
جوه الضلام مفزوع ومفيش بإيده رجوع عن العذاب والصبر

رحلة زمان ومكان فيها البشر ألوان أبيض شبيه السُمر
عاشوا مع الحكايات وإتألفت روايات تشبه سواد المُهر
تخلق شجن وأنين آسيه على العايشين لابسين تياب المُر
محمد سالم