دموع بهيه
فيلم بايخ مالهُ معنى.......أو دراما ف تمثليه
مش فاقه جوعنا او شبعنا.........قبل بعد هى هى
لعبه بين نخبه وأفاضل.....ع اللى باقى وع اللى فاضل
خرب أقتل تبقى عادل..........تبقى ليهم تبقى منهم
تبقى اغلى من عيونهم.........طول ما أيدك فيها دمى
ليه ياخويا ويابن عمى..........ليه وهمك نفس همى
ليه وانا وانت الضحيه........والنتيجه هى هى
النتيجه .............................دموع بهيه
بهيه نسيت الفرح...........بهيه عايشه بتنجرح
سنيين عجاف..... عايشه ف جفاف
ولا حد شاف .....الحق فيها يوم طرح
بهيه عاشقه وفين ياسين.......قتله السكات أو قتله مين
قتلوه عيونها النعسانيين.......قتله سكاتها من سنيين
قتله غرامها والحنيين........وهو اللى يعشق.. يندبح
والنتيجه ............هى هى
النتيجه.............دموع بهيه
محمود ابوالوفا
2015\09\15
