(مجلة كل الخواطر )حبك فوق طاقتى ----بقلم الشاعر\محمد ابو المعاطى المحامى

حبك فوق طاقتى
.........................
حبك فوق طاقتى
ما اقدرش عليه
مكتوب ف بطاقتى
زوجة لِيه
و هجرنى من سنين
و معلقنى ع الحنين
و ما اقدرش اقول
كده ليه
لإنى عايشه بِيه
و ما اقدرش اخون
الحل ايه
يا قدر و مكتوب
و الحب ف القلوب
غير القسمة و المكتوب
و ما اقدرش اتوب
الحل ايه
و حالى كده ليه
و الحب مضمنوش
أخاف ما يفهموش
و بعد الوجه البشوش
تتغير الوشوش
و اشوف اللى مشفتوش
و حيائى فيه خدوش
أخده و لا مخدوش
خلصت كل الورد
و لسه ما جانى الرد
أخده و لا مخدوش
و حيائى فيه خدوش
ناس قالولنا ما تخافوش
دا الحب ريشه منفوش
و لا انتو متعرفوش
ان انتو نور عنينا و لا ايه
تعالوا الينا و متقولوش ليه
و ناس قالولنا حاسبوا
يا أحبة قبل ما تناسبوا
دا الحب يكفيه و حسبو
ان فيه اللى يعاتبو
و ناس و ناس
و لسه عايشه الاحساس
لا قدرت اهضمو
و لا قدرت اهدمو
اخده و لا مخدوش
و حيائى فيه خدوش
خلصت كل الورد
و لسه ما جانى الرد
اخده و لا مخدوش
و حيائى فيه خدوش
عايشه ف حيرة
و خايفه م السيرة
و لسان الناس أطول مسيرة
تهزمنى فى لحظة صعبة و عسيرة
و الله دى فزورة
حد يقولى ايه حلها
و الله دا انا معذورة
و خايفة حتى من حلها
ليه الناس عايشه كلها
و انا عايشه خايفه منها
مفيش غير إنى احلها
مهما يكون
و اروح للناس و اشرحلها
و اعيش ف النور.................................................
محمد أبو المعاطى المحامى