(مجلة كل الخواطر ) سامحينى ---بقلم الشاعر \عبد الله السايح

… .(سامحيني)…… ..
ياامايا ياإسم على جبيني
سامحيني
مش قادر أرفع سكيني
وأدافع عنك يامايا
مع إني بحبك وناسيني
والإسم وصورتك جوايا
مرسومة في قلبي وشراييني
يامايا ياإسم على جبيني
سامحيني
مش قادر أدافع عنك
وﻻقادر أكون نقطة في دمك
وﻻقادر أشيل عنك همك
مع إنك القلب وعيني
يامايا ياحب في شراييني
سامحيني
مش قادر أكون لك آية
وﻻقادر أرسم لي نهاية
وﻻقادر أصون أي وﻻية
مع إنك ياما بتعطيني
معلهش ياأمي سامحيني
ماانا ياما خدت وماإعطيتش
وصرخت فيك وما نسيتش
ونسيتي وكرهتي عدويني
ودعيتي ربك يعطيني
معلهش ياأمي سامحيني
ربيتي وكبرتي وصونتي
وكبرت ماشوفتش غيرك إنت
وطلبت كتير وبتعطيني
معلهش ياأمي سامحيني
أنا أصلي كبرت في أراضيك
وحبيت على أرضك وإيديك
مع إنك غنيوة في عيني
سامحيني ياأمي سامحيني
سيبتك واتعلمت أعيش في الكون
سيبتك واتعلمت أكون ملعون
حتى الكلمة خنقها سكون
شجرة حبك طرحة جنون
أنا والباقي عليا يهون
هونتي وهان حتى جنيني
سامحيني ياأرضي سامحيني
ياوطن محتاج لحنيني
محتاج للإيد ولعزم جديد
ولراجل غيري يحميني
أنا أصلي بقيت من كل الناس
النخوة مفيش وﻻفيه إحساس
والقلب يادوب ينفع لي مداس
وعدوي صديق يملأ لي الكاس
وسﻻحه ورود ومكانه ع الراس
والغزو صمود وأساعده بعيني
ياأمي سامحيني
أنا أصلي نسيت ربي وديني
وعدوي حبيب 
وحبيبي همه عدويني
……… (شعر)…… .
عبدالله السايح